لبنان پر صہیونی جارحیت پر اقوام متحدہ کی خاموشی شرمناک ہے، ایرانی وزارت خارجہ

ایرانی وزارت خارجہ نے لبنان کے مختلف علاقوں پر صہیونی فوج کے حملوں پر تشویش ظاہر کرتے ہوئے اقوام متحدہ اور عالمی اداروں کی خاموشی کی شدید مذمت کی ہے۔

ترجمان اسماعیل بقائی نے کہا کہ اسرائیلی وحشیانہ کارروائیوں کے نتیجے میں بڑی تعداد میں لبنانی شہری شہید اور زخمی ہوئے ہیں جبکہ لاکھوں افراد بے گھر ہو گئے ہیں۔

یہ بھی پڑھیں : آبنائے ہرمز پر بدلتے حالات، امریکہ کو نئے چیلنجز کا سامنا

بقائی نے امریکہ کو بھی اسرائیلی اقدامات کا شریک قرار دیتے ہوئے کہا کہ واشنگٹن لبنان، فلسطین اور پورے خطے میں ہونے والے جرائم میں صہیونی حکومت کا مکمل حامی اور معاون ہے۔

انہوں نے العالم نیوز نیٹ ورک کے سینئر صحافی حسام زیدان کی شہادت پر افسوس کا اظہار کیا اور کہا کہ گزشتہ تین برسوں میں فلسطین اور لبنان میں 300 سے زائد صحافی اسرائیلی حملوں میں شہید ہو چکے ہیں۔

بقائی نے لبنانی عوام کے صبر، استقامت اور مزاحمت کو خراج تحسین پیش کیا اور کہا کہ ایران لبنان کی خودمختاری، عزت اور آزادی کے دفاع میں مکمل یکجہتی کے ساتھ اس کے شانہ بشانہ کھڑا ہے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts