امریکی انتظامیہ نے فلسطینی اتھارٹی پر شدید دباؤ ڈالا ہے کہ اقوام متحدہ کی جنرل اسمبلی کے نائب صدر کے عہدے کے لیے ریاض منصور کی نامزدگی واپس لے لی جائے۔
رائٹرز نیوز ایجنسی نے امریکی محکمہ خارجہ کی ایک اندرونی دستاویز کا حوالہ دیتے ہوئے بتایا ہے کہ واشنگٹن نے نیویارک میں فلسطینی وفد کے ویزوں پر دوبارہ پابندیاں لگانے کی دھمکی بھی دی ہے۔
دستاویز میں کہا گیا ہے کہ ریاض منصور کی نامزدگی "تناؤ” پیدا کر رہی ہے اور ٹرمپ کے غزہ منصوبے کو کمزور کر سکتی ہے۔ اگر نامزدگی برقرار رکھی گئی تو اس کے سنگین نتائج برآمد ہوں گے۔
یہ بھی پڑھیں : غزہ میں صیہونی دہشت گردوں کی رات بھر وحشیانہ بمباری، 7 فلسطینی زخمی
یہ دباؤ اس وقت سامنے آیا ہے جب ریاض منصور فروری میں بھی امریکی دباؤ کے سامنے جنرل اسمبلی کی صدارت کی دوڑ سے دستبردار ہو چکے تھے۔ جنرل اسمبلی کے نائب صدر کا انتخاب دو جون کو ہونا ہے۔
About The Author
