غاصب صیہونی دہشت گرد بحری فوج نے ترکی سے غزہ کی طرف جا رہے گلوبل سمود فلوٹیلا کے جہازوں کو ہائی جیک کر لیا ہے۔ یہ فلوٹیلا غزہ پر لگائی گئی غیر قانونی اور ظالمانہ ناکہ بندی توڑنے کے لیے بین الاقوامی ایکٹیوسٹس لے کر جا رہا تھا۔
فلوٹیلا نے سوشل میڈیا پر ریڈ الرٹ جاری کرتے ہوئے بتایا کہ صیہونی دشمن نے دن دیہاڑے ان کے جہازوں پر قبضہ کر لیا ہے اور فوری بین الاقوامی مداخلت کی اپیل کی ہے۔
اسرائیلی چینل 12 نے بھی تصدیق کی کہ شایتت 13 کمانڈو یونٹ نے فلوٹیلا پر حملہ کر کے ایکٹیوسٹس کو گرفتار کرنا شروع کر دیا ہے۔ ویڈیوز میں صیہونی فوجیوں کے جہازوں پر وحشیانہ حملے اور ایکٹیوسٹس پر تشدد کی تصاویر سامنے آئی ہیں۔
انٹرنیشنل کمیٹی ٹو بریک دی سیج آن غزہ (ICBSG) نے بیان جاری کرتے ہوئے کہا کہ فلوٹیلا کے جہازوں پر فوجی حملہ کیا گیا، ایکٹیوسٹس کو گرفتار کر لیا گیا اور نگرانی والے کیمرے تباہ کر دیے گئے تاکہ حقیقت چھپائی جا سکے۔
فلوٹیلا تنظیم نے تمام حکومتوں سے مطالبہ کیا ہے کہ وہ فوری طور پر مداخلت کریں اور غزہ کی طرف جانے والے اس قانونی اور پرامن انسانی مشن کو محفوظ راستہ فراہم کیا جائے۔
یہ بھی پڑھیں : حماس کا شدید ردعمل، یسرائیل کاٹز کا فلسطینی اسیران کو پھانسی دینے کا فیصلہ خطرناک اقدام
یہ حملہ غزہ پر 2007 سے جاری صیہونی ناکہ بندی کے خلاف عالمی جدوجہد کا حصہ تھا۔ فلوٹیلا میں 70 ممالک کے سینکڑوں ایکٹیوسٹس شامل تھے۔
About The Author
