حماس نے کہا ہے کہ اسرائیلی فوج غزہ میں پولیس اور سیکیورٹی اہلکاروں کو نشانہ بنا رہی ہے۔
اتوار کو جاری بیان میں حماس نے کہا کہ خان یونس میں کرمنل انویسٹی گیشن ڈیپارٹمنٹ کے سربراہ کی ہلاکت اسرائیل کی فلسطینی اداروں اور عام شہریوں کے خلاف جاری مہم کا حصہ ہے۔
حماس نے الزام لگایا ہے کہ اسرائیل غزہ میں قانون کی خلاف ورزی اور انتشار پھیلانا چاہتا ہے تاکہ عام زندگی بحال کرنے کی کوششوں کو روکا جا سکے۔
اس سے پہلے غزہ کی داخلہ وزارت نے بتایا تھا کہ وسام عبدالہادی اور ان کے ساتھی فادی ہیکل اسرائیلی حملے میں شہید ہو گئے۔ اسرائیلی فوج نے ان کی گاڑی کو الامل محلے میں نشانہ بنایا تھا۔
یہ بھی پڑھیں : 18 ماہ بعد غزہ کا بیٹا اسرائیلی جیل میں زندہ ملا
حماس نے بین الاقوامی برادری، ثالثوں اور جنگ بندی کے ضمانت دینے والوں سے مطالبہ کیا ہے کہ وہ اسرائیلی خلاف ورزیوں کو روکیں۔ ان خلاف ورزیوں میں اکتوبر سے اب تک 850 سے زائد فلسطینی شہید ہو چکے ہیں۔
اسرائیلی فوج نے جنگ بندی کے باوجود پولیس اہلکاروں پر حملے تیز کر دیے ہیں۔
About The Author
