اسلام آباد (4 جون 2026): وزیراعظم کے مشیر برائے سیاسی امور رانا ثنا اللہ نے کراچی کے لیے الگ بلدیاتی نظام بنانے پر زور دیا ہے۔ ان کا کہنا ہے کہ اگر ایسا نہ کیا گیا تو شہر کے لیے نئے انتظامی یونٹس قائم کر لیے جائیں۔
رانا ثنا اللہ نے گفتگو کرتے ہوئے کہا کہ پاکستان کے سب سے بڑے شہر کراچی کے حالات انتہائی تشویش ناک ہیں اور انہیں نظر انداز نہیں کیا جا سکتا۔ انہوں نے بلدیاتی اداروں کو مکمل اختیارات دینے کی ضرورت پر روشنی ڈالی۔
یہ بھی پڑھیں : مانسہرہ سے چلاس موٹروے اور بابوسر ٹاپ پر پاکستان کی سب سے لمبی سرنگ کی منظوری
ان کا کہنا تھا کہ بلاول بھٹو زرداری کی رائے کا احترام ہے، لیکن گلگت بلتستان جا کر صرف تقریریں کرنے سے فنڈز میں اضافہ نہیں ہو سکتا۔ ان مسائل پر بیٹھ کر بات چیت کی جا سکتی ہے۔
ن لیگ کے رہنما نے کہا کہ صوبوں کو اگر 58 فیصد حصہ لینا ہے تو سوشل ویلفیئر کی ذمہ داری بھی اٹھانی ہوگی۔ انہوں نے بی آئی ایس پی پروگرام میں بے پناہ کرپشن کی نشاندہی کرتے ہوئے کہا کہ اس سے غربت میں اضافہ ہوا ہے۔ لوگوں کو تین ماہ میں 13 ہزار روپے دینا انہیں بھکاری بنانے کے مترادف ہے۔
About The Author
