شیما کرمانی اور انسانی حقوق کی خواتین ورکرز کی گرفتاری پر تین پولیس افسران معطل

شیما کرمانی اور انسانی حقوق کی خواتین ورکرز کی گرفتاری و بدسلوکی پر تین پولیس افسران معطل

کراچی: شیما کرمانی سمیت انسانی حقوق کی خواتین ورکرز کی گرفتاری اور مبینہ بدسلوکی کے واقعے پر کراچی پولیس کے تین اہلکاروں کو معطل کر دیا گیا۔

کراچی: شیما کرمانی سمیت انسانی حقوق کی خواتین کارکنوں کی گرفتاری اور مبینہ بدسلوکی کے واقعے پر وزیر داخلہ سندھ ضیا الحسن لنجار نے متعلقہ پولیس افسران کے خلاف کارروائی کی ہدایت دے دی۔

وزیر داخلہ سندھ کی ہدایت پر ڈی ایس پی صدر ناصر آفریدی، ایس ایچ او ویمن پولیس اسٹیشن حنا مغل اور ایس ایچ او آرٹلری میدان ندیم حیدر کو معطل کر دیا گیا ہے۔

وزیر داخلہ سندھ ضیا الحسن لنجار نے واقعے کی تحقیقات کا حکم دیتے ہوئے کہا ہے کہ اختیارات کے ناجائز استعمال پر زیرو ٹالرنس پالیسی اپنائی گئی ہے اور خواتین کے احترام و حقوق کا ہر صورت تحفظ یقینی بنایا جائے گا۔

دوسری جانب ایڈیشنل آئی جی کراچی آزاد نے بھی واقعے کی انکوائری کا حکم دیتے ہوئے کہا ہے کہ ذمہ داروں کے خلاف کارروائی کی جائے گی۔

یہ بھی پڑھیں : کراچی بار ایسوسی ایشن کے سالانہ انتخابات کا دنگل سج گیا

یاد رہے کہ گزشتہ روز پاکستان پیپلز پارٹی کے چیئرمین بلاول بھٹو زرداری نے عورت مارچ کی خواتین سے مبینہ بدسلوکی کے واقعے پر پولیس کے رویے پر شدید برہمی کا اظہار کیا تھا۔

محکمہ داخلہ نے بلاول بھٹو کی ہدایت پر زیر حراست لی گئی خواتین کو رہا کر دیا۔

بلاول بھٹو زرداری نے موقف اختیار کیا کہ پولیس یا کسی ادارے کو سماجی کارکنوں کے خلاف اس قسم کے رویے کا اختیار حاصل نہیں ہے۔

انہوں نے واضح کیا کہ آئندہ خواتین کے ساتھ کسی بھی قسم کا نامناسب رویہ برداشت نہیں کیا جائے گا۔

واقعے کے بعد حکومتی سطح پر بھی صورتحال کا نوٹس لیا گیا، جبکہ متعلقہ اداروں کو ہدایت دی گئی تھی کہ ایسے معاملات میں قانون کے مطابق اور محتاط رویہ اپنایا جائے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts