نادرا کا ب فارم اور برتھ نوٹیفکیشن کا نیا سسٹم، بچے کی پیدائش پر فوری ایس ایم ایس

کراچی: نادرا نے بچوں کی پیدائش کے فوری قانونی اندراج کے لیے نئی سہولت متعارف کرا دی ہے۔ اب بچے کی پیدائش کے فوری بعد والدین کو برتھ نوٹیفکیشن کا ایس ایم ایس موصول ہو جائے گا۔

نادرا کے ترجمان سید شباہت علی کے مطابق یہ سسٹم سرکاری اور نجی اسپتالوں کے تعاون سے شروع کیا گیا ہے، جس سے پیدائش کا اندراج تیز اور آسان ہو جائے گا۔

یہ بھی پڑھیں : ایران اور امریکہ کے درمیان پیغامات کا تبادلہ جاری، قیاس آرائیوں پر توجہ نہ دی جائے: عراقچی

والدین پیدائش کی پرچی یا ایس ایم ایس کی بنیاد پر یونین کونسل سے بچے کا پیدائشی سرٹیفکیٹ حاصل کر سکتے ہیں۔ اس کے بعد قریبی نادرا مرکز یا پاک آئی ڈیٹی ایپ کے ذریعے ب فارم (سی آر سی) بنایا جا سکتا ہے۔

ترجمان نے بتایا کہ تین سال سے کم عمر کے بچوں کے لیے نادرا سینٹر جانے کی ضرورت نہیں، جبکہ تین سال سے زائد عمر کے بچوں کے لیے تصویر اور بائیومیٹرک درکار ہوں گے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts