ججوں کی رہائش گاہوں کے لیے کروڑوں روپے مختص کرنے کی تجویز

اسلام آباد: وفاقی آئینی عدالت کے ججوں کی سرکاری رہائش گاہوں کی تعمیر کے لیے بجٹ میں کروڑوں روپے مختص کرنے کی تجویز پیش کی گئی ہے۔

دستاویز کے مطابق آئندہ مالی سال کے بجٹ میں اس منصوبے کے لیے 30 کروڑ روپے رکھنے کی تجویز دی گئی ہے۔ منصوبے کی کل لاگت 66 کروڑ 27 لاکھ روپے بتائی گئی ہے۔

یہ بھی پڑھیں : آئی ایم ایف کے دباؤ سے بجٹ کے بعد تعلیم مزید مہنگی ہونے کا امکان

اسلام آباد ہائیکورٹ کے چیف جسٹس اور ججوں کی رہائش گاہوں کے منصوبے کے لیے بھی فنڈز تجویز کیے گئے ہیں۔ اراضی کے حصول اور باؤنڈری وال کی تعمیر کے لیے 50 کروڑ روپے رکھنے کی تجویز ہے جبکہ اس منصوبے کی مجموعی لاگت ایک ارب روپے سے زائد ہے۔

علاوہ ازیں چیف جسٹس اسلام آباد ہائیکورٹ اور ججوں کی رہائش گاہوں کے منصوبے کی فزیبلٹی اسٹڈی کے لیے 2 کروڑ روپے مختص کرنے کی تجویز دی گئی ہے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts