کے ایم سی کی بڑی کارروائی، ہل پارک اراضی پر قبضے کی مبینہ کوشش کا پردہ فاش

کراچی: ہل پارک کی سرکاری زمین پر جعلی دستاویزات کے ذریعے قبضے کی کوشش بے نقاب ہو گئی ہے۔

کراچی میونسپل کارپوریشن (KMC) نے واضح کیا ہے کہ ادارے کی جانب سے مذکورہ اراضی کے حوالے سے کوئی اجازت نامہ یا این او سی جاری نہیں کیا گیا۔

یہ بھی پڑھیں : عید کے دوران مردان میڈیکل کمپلیکس میں 55 بچوں کی پیدائش

ڈائریکٹر لینڈ کے ایم سی کے مطابق ہل پارک کی زمین پر جاری تعمیراتی سرگرمیاں سرکاری اراضی پر قبضے کی کوشش ہیں۔ کے ایم سی نے خط نمبر DL/KMC/232/2026 کو جعلی قرار دیتے ہوئے فوری تحقیقات کا حکم دے دیا ہے۔

اس سلسلے میں ایس ایس پی ایسٹ اور ایس ایچ او فیروز آباد کو قانونی کارروائی کے لیے مراسلہ بھیجا گیا ہے۔ کے ایم سی نے قبضہ، جعل سازی اور فراڈ میں ملوث افراد کے خلاف مقدمات درج کرنے کی سفارش بھی کی ہے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts