خوشخبری: بجٹ میں کئی اشیا سستی ہونے جا رہی ہیں، ڈیوٹیوں میں بڑی کمی کا امکان

اسلام آباد: اگلے مالی سال کے بجٹ میں عوام اور صنعت کے لیے خوشخبری ہے۔ متعدد درآمدی اشیا اور خام مال پر ڈیوٹیوں میں کمی کا امکان ہے۔

ذرائع کے مطابق پاکستان اور آئی ایم ایف کے درمیان جاری مذاکرات میں نیشنل ٹیرف پالیسی کے تحت درآمدی اشیا پر ریگولیٹری ڈیوٹی اور ایڈیشنل کسٹم ڈیوٹی کم کرنے پر اتفاق ہوا ہے۔

یہ بھی پڑھیں : کراچی والوں کو بڑا ریلیف: پانی کے بلوں کی ادائیگی کی تاریخ 3 جون تک بڑھا دی گئی

امپورٹڈ گاڑیوں، ایکسپورٹ انڈسٹری کے خام مال، ٹیلی کام سیکٹر کی 5G مشینری، زرعی آلات اور الیکٹرک گاڑیوں و بائیکس کی مشینری پر بھی اضافی ڈیوٹیوں میں کمی متوقع ہے۔

حکومت 3 ہزار 149 ٹیرف لائنز پر ایڈیشنل کسٹم ڈیوٹی اور 1900 سے زائد لائنز پر ریگولیٹری ڈیوٹی کم کرنے کا منصوبہ بنا رہی ہے۔ اس کے علاوہ زراعت سے متعلق خام مال اور مشینری پر ٹیکس ریلیف دیا جائے گا۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts