حکومت نے آزاد کشمیر میں موبائل فون اور انٹرنیٹ سروس بند کر دی

اسلام آباد (6 جون 2026): آزاد کشمیر میں جوائنٹ عوامی ایکشن کمیٹی کی 9 جون کو احتجاج اور لانگ مارچ کی کال کے پیش نظر حکومت نے آج سے موبائل فون اور انٹرنیٹ سروس بند کر دی ہے۔

سروسز 12 جون تک بند رہیں گی۔ حکومت نے سیاحت اور دیگر مقاصد کے لیے آنے والے افراد کو 20 جون تک آزاد کشمیر کے سفر سے گریز کرنے کی ایڈوائزری جاری کر دی ہے۔

یہ بھی پڑھیں : دریائے سندھ میں نہاتے ہوئے ایک ہی خاندان کے 3 بچے ڈوب گئے

احتجاجی صورتحال کے پیش نظر اسلام آباد سے 1500 سے زائد پولیس اہلکار آزاد کشمیر بھیجے جا رہے ہیں۔ ترجمان وزیر اعظم آزاد کشمیر شوکت جاوید میر نے کہا کہ 38 میں سے 35 مطالبات تسلیم ہونے کے باوجود احتجاج پر اصرار سیاسی ضد ہے۔

دوسری جانب حکومت نے جوائنٹ عوامی ایکشن کمیٹی کو کالعدم قرار دے دیا ہے۔ محکمہ داخلہ نے اسے انسداد دہشت گردی ایکٹ 2014 کے تحت فرسٹ شیڈول میں شامل کر دیا ہے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts