پاکستان کی ‘ڈرگ کوئین’ کہلانے والی انمول پنکی کون ہے؟

انمول عرف پنکی پاکستان کی ‘ڈرگ کوئین’ کہلانے والی ایک ہائی پروفائل ملزمہ ہے جس نے کراچی سے اسلام آباد تک منشیات کا ایک وسیع جال پھیلا رکھا تھا۔

پولیس اور تحقیقاتی اداروں کے مطابق انمول پنکی محض ایک منشیات فروش نہیں بلکہ اربوں روپے کے بین الصوبائی ڈرگ نیٹ ورک کی مرکزی کردار ہے۔

انمول پنکی کی مجرمانہ تاریخ انمول پنکی کی مجرمانہ سرگرمیوں کا باقاعدہ آغاز 2021 میں ہوا۔ پہلا مقدمہ جولائی 2021 میں تھانہ گزری میں درج ہوا۔ گزشتہ پانچ سالوں میں اس کے خلاف 10 سے زائد سنگین مقدمات درج ہو چکے ہیں۔

ڈرگ پروسیسنگ یونٹ کی برآمدگی گارڈن ویسٹ میں اس کے فلیٹ سے ایک منی ڈرگ فیکٹری برآمد ہوئی جہاں ڈیڑھ کلو سے زائد کوکین اور بھاری مقدار میں کیمیکلز برآمد ہوئے۔

ذاتی پس منظر تحقیقات میں انکشاف ہوا کہ اس کا پہلا شوہر ملائیشیا میں مقیم ہے جس نے اسے منشیات کی تیاری کے طریقے سکھائے۔ اس کے علاوہ لاہور کے ایک ڈی ایس پی سے اس کی دوسری شادی کا بھی دعویٰ کیا جا رہا ہے۔

متنازع عدالتی پیشی سٹی کورٹ کراچی میں اس کی پیشی کے وقت اسے بغیر ہتھکڑی کے لایا گیا اور وہ آزادانہ طور پر وکلاء سے بات چیت کرتی رہی۔

جے آئی ٹی کی تشکیل حکومت نے اس کے نیٹ ورک کی جڑیں تلاش کرنے کے لیے مشترکہ تحقیقاتی ٹیم تشکیل دے دی ہے۔

یہ بھی پڑھیں : پٹرول کا استعمال کم کریں، ایک سال تک سونا نہ خریدیں، مودی کی اپیل

انمول پنکی پاکستان میں منشیات کے اس کالے دھندے کی علامت بن چکی ہے۔ اس کی گرفتاری کو ایک بڑی کامیابی قرار دیا جا رہا ہے لیکن اصل امتحان اس نیٹ ورک کو چلانے والے بڑے مگرمچھوں کو پکڑنا ہے۔