سندھ میں موٹر سائیکل فیول سبسڈی پروگرام 31 مئی تک بڑھا دیا گیا

سندھ: موٹر سائیکل سواروں کے لیے فیول سبسڈی پروگرام میں 31 مئی تک توسیع

سندھ کابینہ نے موٹر سائیکل کیب سروسز کے لیے سیلز ٹیکس میں بڑی کمی کا اعلان کیا ہے/ فائل فوٹو

کراچی: سندھ کابینہ نے موٹر سائیکل فیول سبسڈی پروگرام میں توسیع کر دی۔

وزیراعلیٰ سندھ کے ترجمان کے مطابق کابینہ نے پیپلز موٹر سائیکل فیول سبسڈی پروگرام 31 مئی 2026 تک بڑھا دیا ہے۔

اس موقع پر وزیراعلیٰ سندھ نے ہدایات جاری کرتے ہوئے کہا کہ فیول سبسڈی کی مد میں مئی کے لیے 2 ارب روپے جاری کیے جائیں۔

اجلاس میں وزیراعلیٰ کو بتایا گیا کہ 5 لاکھ 48 ہزار سے زائد افراد کو موٹر سائیکل فیول سبسڈی ادائیگیاں جاری ہیں جبکہ موٹر سائیکل فیول سبسڈی کے تحت 1.096 ارب روپے تقسیم کیے جا چکے ہیں۔

موٹر سائیکل کیب سروسز کے لیے سیلز ٹیکس میں بڑی کمی کا اعلان

دوسری جانب سندھ کابینہ کی جانب سے موٹر سائیکل کیب سروسز کے لیے سیلز ٹیکس میں بڑی کمی کا اعلان کیا گیا ہے۔

اجلاس میں وزیراعلیٰ کو بتایا گیا کہ کابینہ نے سیلز ٹیکس 5 فیصد سے کم کر کے 2 فیصد کر دیا ہے، حکومتی فیصلے سے سالانہ 120 ملین روپے مالی اثرات متوقع ہیں۔

وزیراعلیٰ سندھ کا کہنا تھا کہ حکومتی اقدام سے آن لائن ڈرائیورز مستفید ہوں گے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts