بھارتی ہندوتوا پالیسیاں خطے کی ترقی کی سب سے بڑی دشمن ہیں: خواجہ آصف

بھارتی اقدامات نے خطے کے امن کو داؤ پر لگا دیا، ہندوتوا پالیسیاں خطے کی ترقی کی سب سے بڑی دشمن ہیں: خواجہ آصف

وزیر دفاع خواجہ آصف نے بھارتی ہندوتوا پالیسیوں کو خطے کی ترقی کی سب سے بڑی دشمن قرار دے دیا۔

وزیر دفاع نے وزارت اطلاعات کے تحت کتاب ’دی بیٹل آف ٹُرتھ‘ کے اجرا کی تقریب سے خطاب کرتے ہوئے کہا کہ بھارت فتنہ الہندوستان اور فتنہ الخوارج جیسی تنظیموں کی سرپرستی کر رہا ہے، بھارتی اقدامات نے خطے کے امن کو داؤ پر لگا دیا۔

وزیر اطلاعات عطاء اللہ تارڑ نے کہا کہ معرکہ حق میں پاکستان نے بیانیے اور سفارتی محاذ پر بھارت کو شکست دی، بیانیے کی جنگ میں پاکستان کے میڈیا، سوشل میڈیا اور نوجوانوں نے بھرپور ساتھ دیا، دنیا نے بھارت کے بیانیے کو یکسر مسترد کر دیا۔

یہ بھی پڑھیں: پاکستان کی کوششوں سے مذاکرات میں پیشرفت ہو رہی ہے: عباس عراقچی

لیفٹیننٹ جنرل (ریٹائرڈ) عامر ریاض نے کہا کہ آج پاکستان مضبوط ریاست کے طور پر کھڑا ہے، جدوجہد آزادی کے لیے لاکھوں لوگوں نے قربانیاں دیں، انتہا پسند تنظیم آر ایس ایس کا بھارتی سیاست پر مکمل کنٹرول ہے، آر ایس ایس کا بنیادی ایجنڈا ہندوتوا کو تقویت دینا ہے۔

سینیٹر پلوشہ خان نے کہا کہ مسلح افواج نے فیلڈ مارشل عاصم منیر کی قیادت میں مودی کی نفرت اور تقسیم کی سیاست کو دفن کیا اور مودی کے اکھنڈ بھارت کے تاریخی فراڈ کو زمین بوس کر دیا

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts