انمول پنکی کی ویڈیو لنک پر پیشی کی درخواست، جیل حکام نے حساس خط عدالت میں پیش کر دیا

کراچی: جیل حکام نے سیکیورٹی وجوہات کی بنیاد پر بدنام زمانہ منشیات ڈیلر انمول عرف پنکی کی عدالت پیشی ویڈیو لنک کے ذریعے کرنے کی درخواست کرتے ہوئے ایک حساس خط عدالت میں پیش کر دیا ہے۔

ویمن جیل کراچی کی سینئر سپرنٹنڈنٹ نے عدالت سے استدعا کی ہے کہ ملزمہ انمول پنکی کو روایتی انداز میں عدالت لانے کے بجائے ویڈیو لنک پر پیش کیا جائے، کیونکہ اس کی جان کو شدید خطرہ ہے۔

یہ بھی پڑھیں : پاکستان، یورپی یونین کے ساتھ کثیر الجہتی شراکت داری کو مزید مضبوط بنانے کا خواہاں ہے: وزیراعظم

درخواست میں بتایا گیا کہ انمول پنکی ہائی پروفائل مقدمات میں ملوث ہے اور اسے عدالت لانا نہ صرف شہریوں بلکہ خود ملزمہ کے لیے بھی بڑا سیکیورٹی رسک ہے۔ جیل حکام نے یقین دہانی کرائی ہے کہ ویڈیو لنک کے لیے جیل میں تمام تکنیکی انتظامات مکمل ہیں۔

کورٹ پولیس نے بھی ماضی میں سیکیورٹی خدشات کی وجہ سے ملزمہ کو جیل سے باہر لے جانے سے انکار کیا تھا۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts