اٹلی میں غزہ سے یکجہتی، فلوٹیلا پر صیہونی حملے کے خلاف عام ہڑتال اور بڑے مظاہرے

اٹلی میں غزہ کی پٹی میں جاری صیہونی نسل کشی کے خلاف اور محصورین کی امداد کے لیے روانہ ہونے والے گلوبل صمود فلوٹیلا پر غاصب اسرائیل کے حملے کی مذمت میں پیر کے روز ایک تاریخی عام ہڑتال کی گئی۔

اس ہڑتال کے دوران اٹلی کے بڑے شہروں میں "سب کچھ روک دو” کے نعرے کے تحت بڑے پیمانے پر مظاہرے کیے گئے۔ مزدور یونینوں اور سول سوسائٹی کی تنظیموں نے اس احتجاج کی کال دی تھی۔

مظاہرین نے فلسطین کے پرچم لہراتے ہوئے "فلسطین آزاد ہوگا” کے نعرے لگائے اور اطالوی حکومت سے مطالبہ کیا کہ وہ صیہونی رژیم کی حمایت اور اسلحے کی تجارت سے باز آئے۔

روم، میلان، لیورنو اور دیگر شہروں میں ٹرانسپورٹ، میٹرو اور بندرگاہی خدمات مفلوج ہو گئیں۔ مظاہرین نے غزہ کی نسل کشی، فلوٹیلا پر حملے اور مغربی حکومتوں کی خاموشی کی شدید مذمت کی۔

یہ بھی پڑھیں : آبنائے ہرمز کی ناکہ بندی کا سب سے بڑا نقصان امریکہ، صہیونی رژیم اور ان کے خلیجی اتحادیوں پر پڑ رہا ہے۔

فلسطینی نژاد سماجی کارکن سیف ابو کشک، جو خود فلوٹیلا پر حملے میں گرفتار ہو چکے ہیں، نے کہا کہ ہمارے حوصلے پست نہیں ہوئے اور باقی جہاز غزہ کی طرف پیش قدمی جاری رکھے ہوئے ہیں۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts