پاسپورٹ فیس کی ادائیگی کو آسان بنانے کے لیے کیش لیس ڈیجیٹل نظام جلد نافذ کرنے کا فیصلہ کر لیا گیا۔

ڈی جی امیگریشن اینڈ پاسپورٹ محمد علی رندھاوا کی زیر صدارت پاسپورٹ فیس کی ادائیگی کو آسان اور شفاف بنانے کے لیے اہم اجلاس منعقد ہوا۔

اجلاس میں نیشنل بینک، جاز کیش، ایزی پیسہ اور دیگر اداروں کے نمائندوں نے شرکت کی۔

اجلاس میں وزیر اعظم اور وزیر داخلہ کے وژن کے مطابق پاسپورٹ فیس کی ادائیگی کو مکمل طور پر ڈیجیٹل اور کیش لیس بنانے کا فیصلہ کیا گیا۔ محمد علی رندھاوا نے شہریوں کو بینکوں کی لمبی قطاروں سے نجات دلانے کے لیے جدید نظام جلد نافذ کرنے کی ہدایت کی۔

تمام اسٹیک ہولڈرز نے کیش لیس نظام کے جلد نفاذ کے لیے مکمل تعاون کی یقین دہانی کرائی۔

یہ بھی پڑھیں : پاکستانی عازمین حج کے لیے وزارت مذہبی امور کی اہم ہدایات جاری، غیر ضروری سامان لے جانے سے گریز کریں۔

ڈی جی امیگریشن اینڈ پاسپورٹ نے ریجنل پاسپورٹ آفس جی-10 اسلام آباد کا دورہ کیا اور وہاں شہریوں سے ملاقات کر کے ان کے مسائل سنے اور فوری حل کے احکامات جاری کیے۔ انہوں نے کیش لیس نظام کی مانیٹرنگ بھی کی اور اس کے مؤثر نفاذ پر اطمینان کا اظہار کیا۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts