وزارت مذہبی امور نے پاکستانی عازمین حج کے لیے اہم ہدایات جاری کر دی ہیں۔ عازمین کو مشورہ دیا گیا ہے کہ وہ حج کے دوران غیر ضروری اور بھاری سامان لے جانے سے گریز کریں تاکہ سفر آرام دہ اور پرسکون رہے۔
حجاج کرام کو تاکید کی گئی ہے کہ نسک کارڈ، پاکستانی حج کارڈ اور رِسٹ بینڈ ہر وقت اپنے پاس رکھیں کیونکہ یہ شناخت اور سفری سہولت کے لیے لازمی ہیں۔
عازمین کو شدید گرمی سے بچاؤ کے لیے چھتری، سن گلاسز اور پانی کی بوتل ساتھ رکھنے کا مشورہ دیا گیا ہے۔ علاوہ ازیں روزمرہ استعمال کی ضروری ادویات، چٹائی، احرام، موبائل چارجر اور پاور بینک بھی ساتھ رکھنا چاہیے۔
یہ بھی پڑھیں : غزہ میں گیس بحران: کچرے سے ایندھن جلانا صحت کے لیے خطرہ بن گیا
حج انتظامیہ نے واضح کیا ہے کہ صرف ضروری سامان ساتھ رکھیں تاکہ عبادات سکون اور توجہ کے ساتھ ادا کی جا سکیں اور سفر میں کوئی پریشانی نہ ہو۔
About The Author
