پاکستان اور ایران نے ریلوے تعاون بڑھانے پر اتفاق کر لیا

پاکستان اور ایران نے ریلوے تعاون بڑھانے پر اتفاق کر لیا

اسلام آباد (7 مئی 2026): وفاقی وزیر ریلوے نے پاکستان میں ایران کے سفیر ڈاکٹر رضا امیری مقدم سے ملاقات میں دونوں ممالک کے درمیان برادرانہ تعلقات کو مزید مضبوط بنانے کے عزم کا اظہار کیا۔

ملاقات میں پاکستان اور ایران کے درمیان ریلوے رابطوں، خصوصاً تفتان زاہدان روٹ اور آئی ٹی آئی فریٹ ٹرین منصوبے پر تفصیلی تبادلہ خیال کیا گیا۔

وفاقی وزیر ریلوے نے کہا کہ پاکستان ایران کے ساتھ تاریخی، ثقافتی اور باہمی احترام پر مبنی تعلقات کو انتہائی اہمیت دیتا ہے۔ انہوں نے کوئٹہ تفتان ریلوے سیکشن کی مرمت و بحالی اور ریلوے آپریشنز کے تسلسل کے لیے سیکیورٹی اور انفرااسٹرکچر کی بہتری کو ناگزیر قرار دیا۔

ملاقات میں خطے بالخصوص مشرق وسطیٰ کی صورتحال پر بھی تبادلہ خیال ہوا، جس کے دوران پاکستان نے امن، مذاکرات اور سفارتی حل کی حمایت کے عزم کا اعادہ کیا۔

ایرانی سفیر ڈاکٹر رضا امیری مقدم نے خطے میں امن و استحکام کے لیے پاکستان کے مثبت کردار کو سراہتے ہوئے کوششوں کو قابل تحسین قرار دیا۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts