شدید خراب موسم: پاکستان کی 3 بین الاقوامی پروازیں بھارتی فضائی حدود میں داخل

لاہور: شدید خراب موسم کے باعث پاکستان کی تین بین الاقوامی پروازیں بھارتی فضائی حدود میں داخل ہو گئیں۔

ذرائع کے مطابق موسم کی سنگینی اور طوفانی صورتحال سے بچنے کے لیے فلائی جناح کی لاہور-جدہ اور لاہور-دبئی پروازوں کے علاوہ ایئر سیال کی دمام-لاہور پرواز نے عارضی طور پر بھارتی فضائی حدود کا راستہ اختیار کیا۔

یہ بھی پڑھیں : ملازمین کے پنشن واجبات کی ادائیگی کا معاملہ سنگین ہوگیا

تمام پروازیں کچھ دیر بھارتی فضائی حدود میں رہنے کے بعد بحفاظت پاکستانی فضائی حدود میں واپس آ گئیں۔ لاہور اور امرتسر کے ایئر ٹریفک کنٹرول کے درمیان فوری رابطے سے پروازوں کو محفوظ رہنمائی فراہم کی گئی۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts