جنوبی لبنان میں ڈرون حملہ، 4 اسرائیلی فوجی زخمی

جنوبی لبنان میں حزب اللہ کے خودکش ڈرون حملے میں 4 اسرائیلی فوجی زخمی ہو گئے۔ اسرائیلی فوج نے اس واقعے کی تصدیق کرتے ہوئے بتایا کہ ایک ریزرو اہلکار سمیت چار فوجی زخمی ہوئے ہیں۔

حزب اللہ نے ایک ہی روز اسرائیلی فوجی اہداف کے خلاف 8 میزائل اور ڈرون حملوں کی ذمہ داری قبول کی ہے۔ ان حملوں کو اسرائیل کی جنگ بندی خلاف ورزیوں کے جواب میں انجام دیا گیا۔

یہ بھی پڑھیں : ٹرمپ دوبارہ ایران پر حملے کا حکم نہیں دیں گے: آویگدور لیبرمین

اسرائیلی فوج نے ایک روز قبل بھی ایک افسر کی ہلاکت اور 7 فوجیوں کے زخمی ہونے کا اعتراف کیا تھا۔ عبرانی میڈیا نے ان نقصانات کو بھی حزب اللہ کے ڈرون حملوں سے منسلک کیا۔

عبرانی اخبار ہاآرتص کی رپورٹ کے مطابق حالیہ مرحلے کے آغاز سے اب تک جنوبی لبنان کے محاذ پر کم از کم 27 اسرائیلی افسران اور فوجی ہلاک ہو چکے ہیں۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts