اسرائیلی سیاستدان آویگدور لیبرمین نے دعویٰ کیا ہے کہ ایران کے خلاف فوجی آپشن اب اختتام کو پہنچ چکا ہے اور امریکی صدر ڈونلڈ ٹرمپ مستقبل میں ایران پر دوبارہ حملے کا حکم نہیں دیں گے۔
لیبرمین نے کہا کہ بیروت کے جنوبی علاقے الضاحیہ پر اسرائیلی حملہ منسوخ کیے جانے سے واضح ہے کہ واشنگٹن اب فوجی کارروائی کو مفید نہیں سمجھتا اور خطے میں ایک نئی صورتحال پیدا ہو رہی ہے۔
یہ بھی پڑھیں : حزب اللہ کو نظرانداز نہیں کیا جا سکتا، بیروت پر حملے کی صورت میں سخت جواب دیں گے: عراقچی
انہوں نے اسرائیلی وزیر اعظم بینجمن نیتن یاہو کی لبنان پالیسی پر شدید تنقید کرتے ہوئے کہا کہ موجودہ فوجی اقدامات اسرائیلی فوجی کمانڈروں کی پیشہ ورانہ رائے کے خلاف ہیں۔ ان کے بقول نیتن یاہو کی کابینہ اسرائیلی فوجیوں کی جانوں کو غیر ضروری خطرے میں ڈال رہی ہے اور فضائیہ کو مناسب طریقے سے استعمال نہیں ہونے دے رہی۔
لیبرمین کا کہنا تھا کہ حکومتی فیصلوں اور فوجی قیادت کے درمیان واضح اختلافات موجود ہیں جو میدان جنگ میں منفی اثرات پیدا کر رہے ہیں۔
About The Author
