امریکہ اور صہیونی رجیم کے جال میں پھنسنے سے گریز کریں: عبدالملک الحوثی

انصار اللہ یمن کے رہنما سید عبدالملک بدرالدین الحوثی نے عید غدیر خم کے موقع پر خطاب کرتے ہوئے خطے کے تمام ممالک اور عوامی حلقوں کو امریکہ اور صہیونی رجیم کے جال میں پھنسنے سے بچنے کا انتباہ دیا ہے۔

انہوں نے کہا کہ امریکہ بعض علاقائی ممالک کو صہیونی رجیم کے مفادات کے تحفظ کے لیے جنگ کی طرف دھکیلنے کی کوشش کر رہا ہے، اس لیے سب کو ہوشیار رہنا چاہیے اور دشمن کے منصوبوں کا حصہ بننے سے گریز کرنا چاہیے۔

یہ بھی پڑھیں : محسن رضائی: لبنان اور حزب اللہ کو مذاکرات سے الگ نہیں کیا جا سکتا

سید عبدالملک الحوثی نے عید غدیر کو ولایت اور امت مسلمہ کی آزادی کا پیغام قرار دیتے ہوئے کہا کہ یہ دن طاغوتی قوتوں کی غلامی سے نجات کا درس دیتا ہے۔ انہوں نے بعض علاقائی حکومتوں کی امریکی پالیسیوں پر انحصار کی تنقید کرتے ہوئے کہا کہ جو حکومتیں صہیونی رجیم کے اثر و رسوخ کو قبول نہیں کرتیں، ان پر دباؤ اور جنگ مسلط کی جاتی ہے۔

انصار اللہ رہنما نے فلسطین، لبنان، ایران اور یمن کے خلاف جاری جارحیت کا ذکر کرتے ہوئے کہا کہ یمن مزاحمت کے محور کے ساتھ مکمل ہم آہنگی میں ہے اور کسی بھی نئی صورتحال کا مقابلہ کرنے کے لیے تیار ہے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts