بیروت – اقوام متحدہ کے بچوں کے فنڈ (یونیسف) نے لبنان پر اسرائیلی حملوں میں بچوں کی بڑھتی ہوئی شہادتوں پر شدید تشویش کا اظہار کیا ہے۔
ادارے نے بتایا کہ 2 مارچ سے اب تک اسرائیلی جارحیت میں 200 بچے شہید اور 806 بچے زخمی ہو چکے ہیں۔
یونیسف کے مطابق اوسطاً روزانہ 14 بچے شہید یا زخمی ہو رہے ہیں۔ ادارے نے خبردار کیا کہ لبنان میں تقریباً 7 لاکھ 70 ہزار بچے شدید نفسیاتی دباؤ، نقل مکانی اور تشدد کا شکار ہیں۔
علاقائی ڈائریکٹر ایڈورڈ بیجبیدر نے کہا کہ مسلسل حملے بچوں کو شہید کر رہے ہیں اور ان کے دکھوں میں اضافہ کر رہے ہیں۔ انہوں نے تمام فریقین سے بچوں کے تحفظ اور فوری جنگ بندی کا مطالبہ کیا۔
لبنان کے سرکاری اعداد و شمار کے مطابق 2 مارچ سے اب تک 2896 افراد شہید اور 8824 زخمی ہو چکے ہیں جبکہ 10 لاکھ سے زائد لوگ نقل مکانی پر مجبور ہوئے۔
یہ بھی پڑھیں : اسرائیلی پابندیوں کے باوجود 75 ہزار فلسطینیوں نے مسجد اقصیٰ میں جمعہ کی نماز ادا کی
17 اپریل کو طے پانے والے سیز فائر کے باوجود اسرائیل لبنان پر حملے جاری رکھے ہوئے ہے۔
About The Author
