ذوالحجہ کا چاند کل نظر آنے کا واضح امکان، عید الاضحیٰ 27 مئی کو متوقع

ماہرین فلکیات نے ذوالحجہ کا چاند کل (17 مئی) نظر آنے کے واضح امکانات ظاہر کیے ہیں، جس کے مطابق عید الاضحیٰ 27 مئی کو ہوگی۔

مرکزی رویت ہلال کمیٹی کا اجلاس 17 مئی کو ہوگا جس کی صدارت چیئرمین مولانا عبدالخبیر آزاد کریں گے۔ زونل کمیٹیوں کے اجلاس لاہور، کراچی، کوئٹہ اور پشاور میں طلب کیے گئے ہیں۔

یہ بھی پڑھیں : حج قوانین کی خلاف ورزی پر سعودی عرب کا سخت انتباہ: 50 ہزار ریال جرمانہ، قید اور ملک بدری

ماہرین فلکیات کے مطابق چاند 17 مئی کی رات 1 بجکر 1 منٹ پر پیدا ہوگا اور شام تک اس کی عمر تقریباً 18 گھنٹے 30 منٹ ہوگی۔ موسم صاف رہنے کی صورت میں چاند نظر آنے کا امکان بہت زیادہ ہے۔

اگر 17 مئی کو چاند نظر آگیا تو عید الاضحیٰ 27 مئی کو ہوگی۔