بجلی کے بھاری بلوں میں بڑا ریلیف! صارفین کو 64 ارب روپے کی خوشخبری

بجلی کے بھاری بلوں میں ریلیف! بجلی صارفین کے لیے بڑی خوشخبری آ گئی

اسلام آباد: 2026 کی پہلی سہ ماہی ایڈجسٹمنٹ کی مد میں کے الیکٹرک سمیت ملک بھر کے بجلی صارفین کو 64 ارب روپے کا بڑا ریلیف ملنے کا امکان ہے۔

تفصیلات کے مطابق ملک بھر کے بجلی صارفین، بشمول کے الیکٹرک صارفین، کے لیے بڑے ریلیف کا امکان ظاہر کیا گیا ہے۔

بجلی تقسیم کار کمپنیوں نے 2026 کی پہلی سہ ماہی ایڈجسٹمنٹ کی مد میں نیپرا میں درخواست دائر کر دی ہے۔

درخواست میں کہا گیا کہ جنوری تا مارچ کے دوران صارفین کو مجموعی طور پر 63 ارب 93 کروڑ 60 لاکھ روپے تک ریلیف دینے کی تجویز دی گئی ہے، نیپرا اتھارٹی اس درخواست پر 19 مئی کو سماعت کرے گی۔

ڈسکوز نے کیپسٹی چارجز کی مد میں 36 ارب 83 کروڑ 70 لاکھ روپے کمی، جبکہ سسٹم استعمال کے چارجز اور مارکیٹ آپریشن فیس کی مد میں 11 ارب 24 کروڑ 30 لاکھ روپے کمی کی درخواست کی ہے۔

اس کے علاوہ ماہانہ ایڈجسٹمنٹ میں نقصانات کی مد میں 2 ارب 77 کروڑ 70 لاکھ روپے وصولی کی بھی درخواست شامل ہے، جبکہ انکریمنٹل یونٹس کی مد میں 23 ارب 51 کروڑ روپے کمی کی تجویز دی گئی ہے۔

ذرائع کے مطابق اگر نیپرا نے درخواست منظور کر لی تو بجلی کی قیمت میں کمی کا اطلاق کے الیکٹرک صارفین پر بھی ہوگا، جس سے عوام کو نمایاں ریلیف ملنے کی توقع ہے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts