ایم کیو ایم نے معرکہ حق کی سالگرہ پر تین روزہ جشن فتح کا اعلان کر دیا

ایم کیو ایم کا معرکہ حق کی سالگرہ پر تین روزہ جشن فتح منانے کا اعلان

کراچی (7 مئی 2026): بھارت کے خلاف معرکہ حق کا ایک سال مکمل ہونے پر ایم کیو ایم نے پاکستان کا جشن فتح بھرپور انداز سے منانے کا فیصلہ کیا ہے۔

اے آر وائی نیوز کے مطابق بھارتی جارحیت کے جواب میں پاکستان کے کامیاب آپریشن بنیان مرصوص معرکہ حق کا ایک سال مکمل ہونے پر ایم کیو ایم پاکستان نے جشن فتح بھرپور انداز سے منانے کا فیصلہ کرتے ہوئے تین روزہ تقریبات منعقد کرنے کا اعلان کیا ہے۔

ایم کیو ایم کے جاری اعلامیہ کے مطابق تین روزہ جشن فتح 8 سے 10 مئی تک منایا جائے گا۔ اس جشن میں ریلیاں اور مختلف تقریبات منعقد کی جائیں گی۔

سابق گورنر سندھ کامران ٹیسوری 8 مئی کو معرکہ حق کے حوالے سے تقریب منعقد کریں گے۔

جمعہ 9 مئی کو ایم کیو ایم کی جانب سے پریس کلب کے سامنے عوامی اجتماع منعقد کیا جائے گا جس میں شہر بھر سے کارکنان ریلیوں کی صورت میں معرکہ حق کی فتح کا جشن منانے کے لیے جمع ہوں گے۔

10 مئی کو معرکہ حق کی کامیابی کے حوالے سے گرینڈ تقریب منعقد کی جائے گی۔ اس تقریب میں مختلف طبقات اور شعبوں سے تعلق رکھنے والے افراد شرکت کریں گے۔

تین روزہ تقریبات میں دشمن کو منہ توڑ جواب دینے پر مسلح افواج کو خراج تحسین اور ملکی سلامتی اور بقا کی خاطر جانیں دینے والے شہدا کو خراج عقیدت پیش کیا جائے گا۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts