عید غدیر خم اسلامی تاریخ کا ایک انتہائی اہم اور مقدس دن ہے جو 10 ہجری میں حجۃ الوداع کے موقع پر پیش آنے والے عظیم واقعے کی یاد دلاتا ہے۔
18 ذوالحجہ کو رسول اللہ ﷺ حج سے واپسی کے دوران غدیر خم نامی مقام پر رکے۔ وہاں اللہ تعالیٰ کی طرف سے آیت نازل ہوئی جس میں آپ ﷺ کو پیغام پہنچانے کا حکم دیا گیا۔ اس کے بعد نبی اکرم ﷺ نے ہزاروں صحابہ کے سامنے خطاب فرمایا اور حضرت علیؑ کا ہاتھ اٹھا کر فرمایا: "جس کا میں مولا ہوں، اس کا علیؑ بھی مولا ہے۔”
یہ بھی پڑھیں : دھمکیوں کا دور ختم، جارحیت کی بھاری قیمت چکانی پڑے گی: قالیباف
اس اعلان کے فوراً بعد آیت اکمال نازل ہوئی: "آج میں نے تمہارا دین کامل کر دیا، تم پر اپنی نعمت پوری کر دی اور اسلام کو تمہارے لیے پسندیدہ دین بنا دیا۔”
شیعہ عقیدے کے مطابق یہ اعلان حضرت علیؑ کی امامت اور ولایت کا اعلان تھا۔ حضرت علی ابن ابی طالبؑ رسول اللہ ﷺ کے چچا زاد بھائی اور داماد تھے۔ وہ اسلام قبول کرنے والے پہلے مرد تھے اور اپنی بہادری، علم، انصاف اور تقویٰ کے لیے مشہور تھے۔
About The Author
