حزب اللہ کے مورٹر حملے میں اسرائیلی فوجی ہلاک، جانی نقصان 19 ہو گیا

حزب اللہ کے مورٹر حملے میں اسرائیلی فوج کا ایک سٹاف سارجنٹ ہلاک ہو گیا۔

اسرائیلی فوج نے جمعہ کو اعلان کیا کہ گولانی بریگیڈ کے 12ویں بٹالین کا یہ فوجی جنوبی لبنان کے لیتانی علاقے میں ہلاک ہوا۔

اسرائیلی فوج کے مطابق حالیہ جھڑپوں میں اب تک ان کے 19 فوجی ہلاک ہو چکے ہیں جبکہ درجنوں زخمی ہیں۔

یہ حملہ ایک دن بعد سامنے آیا جب حزب اللہ نے راس الناقورہ میں FPV ڈرون حملہ کیا تھا جس میں 4 اسرائیلی فوجی زخمی ہوئے، ایک کی حالت تشویش ناک بتائی جا رہی ہے۔

حزب اللہ نے جنوبی لبنان میں اسرائیلی فوجی اہداف پر ڈرون، گائیڈڈ میزائلوں اور مورٹر حملوں کا سلسلہ جاری رکھا ہوا ہے۔ اسرائیلی فوج لبنانی دیہاتوں پر بمباری اور قبضے کی کارروائی کر رہی ہے جس کا حزب اللہ جواب دے رہی ہے۔

یہ بھی پڑھیں : باغری کنی: ایران پر جنگ عالمی جنوب پر حملے کی تمہید تھی

اسرائیلی فوج اب حزب اللہ کے مہلک ڈرون حملوں سے بچاؤ کے لیے بڑی تعداد میں جالیاں استعمال کر رہی ہے۔