ایران نے دعویٰ کیا ہے کہ اس نے خلیج عمان میں امریکی فوجی جہاز پر حملہ کیا ہے جو ایک کنٹرول اینڈ کمانڈ سینٹر کے طور پر کام کر رہا تھا۔ یہ حملہ بدھ کے روز کیا گیا جب جہاز ایرانی علاقائی پانیوں کے قریب پہنچ رہا تھا۔
امریکی سینٹرل کمانڈ نے اس حملے کی تردید کر دی ہے۔
یہ بھی پڑھیں : ٹیکس شارٹ فال کی خبریں حقائق کے برعکس ہیں: مشیر خزانہ خرم شہزاد
کویت کے بین الاقوامی ہوائی اڈے کو بھی شدید نقصان پہنچا۔ ایران کا کہنا ہے کہ یہ نقصان اس کے پیٹریاٹ میزائل انٹرسیپٹر کے ناکام ہونے سے ہوا، جبکہ امریکہ نے اسے ایران کے 30 سے زائد بیلسٹک میزائلوں کے حملے قرار دیا۔ اس حملے میں ایک شخص ہلاک اور 60 کے قریب زخمی ہوئے۔
امریکی کانگریس میں وزیر خارجہ مارکو روبیو سے سوال کرتے ہوئے ڈیموکریٹ رکن گریگوری میکس نے پوچھا کہ کیا آپ نے صدر کو خبردار کیا تھا کہ ایران پر حملے کے نتیجے میں امریکہ کے اتحادیوں پر جوابی حملے ہو سکتے ہیں؟ روبیو نے جواب دیا کہ ہم کسی بھی ردعمل کے لیے تیار تھے۔
دوسری جانب، حالیہ فائربندی کے باوجود ایران نے اعلان کیا ہے کہ وہ امریکہ کے ساتھ بات چیت کی میز پر واپس آ گیا ہے۔ ایرانی وزیر خارجہ عباس عراقچی نے کہا کہ دونوں ممالک کے درمیان پیغامات کا تبادلہ جاری ہے، اگرچہ کوئی بڑی پیش رفت نہیں ہوئی۔
امریکہ کا مطالبہ ہے کہ ایران اپنا جوہری پروگرام اور بیلسٹک میزائل پروگرام ختم کرے، جبکہ ایران نے واضح کیا ہے کہ لبنان پر اسرائیلی حملوں کی روک تھام کے بغیر کوئی معاہدہ قبول نہیں کیا جائے گا۔
About The Author
