حزب اللہ کا صہیونی شمالی محاذ کے کمانڈر پر ڈرون حملہ، کمانڈر بال بال بچ نکلا

حزب اللہ نے صہیونی رجیم کے شمالی محاذ کے کمانڈر پر ڈرون حملہ کیا۔ حملے میں کمانڈر بال بال بچ نکلا۔

صہیونی میڈیا نے انکشاف کیا ہے کہ حزب اللہ نے جنوبی لبنان میں ایک فوجی دورے کے دوران شمالی محاذ کے کمانڈر کی گاڑی کو فائبر آپٹک ایف پی وی ڈرون کے ذریعے نشانہ بنانے کی کوشش کی۔

یہ بھی پڑھیں : ایران اور روس کے درمیان سب سے بڑا جوہری تعاونی منصوبہ شروع

حملے سے چند لمحے قبل کمانڈر ایک خاتون افسر کے ساتھ گاڑی سے اتر گیا تھا، جس کی وجہ سے کوئی جانی نقصان نہیں ہوا۔ صہیونی ذرائع نے اعتراف کیا کہ اگر حملہ کامیاب ہو جاتا تو صہیونی رجیم کو عسکری، نفسیاتی اور اسٹریٹجک سطح پر بڑا دھچکا لگ سکتا تھا۔

صہیونی میڈیا کے مطابق یہ واقعہ تقریباً ایک ماہ قبل پیش آیا تھا اور حزب اللہ طویل عرصے سے صہیونی اعلیٰ فوجی قیادت کو نشانہ بنانے کے مواقع تلاش کر رہی ہے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts