اسلامی تحریک مزاحمت حماس نے فلسطین بھر کے میٹرک طلبہ کو امتحانات کے نتائج کے اعلان پر مبارکباد پیش کی ہے۔ تحریک نے زور دیا کہ ان کی کامیابی خصوصاً غزہ کی پٹی کے طلبہ کی کامیابی جنگ، تباہی اور عزم توڑنے کی تمام کوششوں پر فلسطینی عوام کی فتح کا ثبوت ہے۔
جماعت کے سیاسی بیورو کے سربراہ ڈاکٹر خلیل الحیہ نے کہا کہ طلبہ علم اور محنت کے میدان میں بڑے چیلنج کا مقابلہ کر رہے ہیں اور علم ایک تعلیم یافتہ معاشرے کی تشکیل کا بنیادی ستون ہے۔
یہ بھی پڑھیں : غزہ میں شدید گرمی کا قہر، بے گھر فلسطینیوں کی زندگی مزید اجیرن
ڈاکٹر خلیل الحیہ نے مزید کہا کہ طلبہ نے قتل و غارت اور محرومی کے باوجود ثابت کر دیا کہ زندگی اور تعمیر کا عزم قابضین کے آلات سے زیادہ طاقتور ہے۔ حماس نے بیان میں غزہ کے طلبہ کے کارنامے کو سراہا جو جاری جنگ، محاصرے اور اسکولوں کی بربادی کے باوجود حاصل کیا گیا۔
وزارت تعلیم نے سنہ 2026 کے میٹرک نتائج کا اعلان کیا۔ امتحانات میں حصہ لینے والے کل طلبہ کی تعداد 89 ہزار تھی جبکہ مغربی کنارے، مقبوضہ بیت المقدس اور بیرون ملک میں کامیابی کا تناسب 74 فیصد ریکارڈ کیا گیا جو گزشتہ برسوں کے مقابلے میں سب سے زیادہ ہے۔
About The Author
