پارلیمنٹ عوامی ضروریات، امید آفرینی اور قومی ترقی کا مرکز بنے، آیت اللہ سید مجتبی خامنہ ای

آیت اللہ سید مجتبی خامنہ ای نے موجودہ ایرانی پارلیمنٹ کے تیسرے سال کے آغاز پر خصوصی پیغام جاری کیا ہے۔

رہبر انقلاب نے پارلیمنٹ کو ملت کا نچوڑ، دینی جمہوریت کی علامت اور اسلامی جمہوریہ ایران میں قانون سازی کا بنیادی ستون قرار دیا۔

یہ بھی پڑھیں : "ٹرمپ کا دوٹوک اعلان: ایران کے ساتھ معاہدے کے باوجود پابندیاں نہیں اٹھائیں گے”

انہوں نے کہا کہ پارلیمنٹ کی قانون سازی عوامی ضروریات، امید آفرینی اور ملک کے روشن مستقبل کی تعمیر کے محور پر ہونی چاہیے۔ نمائندوں کو قومی مفادات، معاشی مسائل، مہنگائی پر قابو، پیداوار اور روزگار کے فروغ، سائنسی و صنعتی ترقی، ثقافتی و اخلاقی بہتری اور محروم طبقات کی خدمت کے لیے تمام صلاحیتیں بروئے کار لانی چاہییں۔

آیت اللہ خامنہ ای نے قومی اتحاد اور یکجہتی کو ایران کی بڑی طاقت قرار دیتے ہوئے خبردار کیا کہ دشمن فوجی ناکامیوں کے بعد اب سماجی اختلافات اور داخلی تقسیم پیدا کرنے کی سازش کر رہا ہے۔

انہوں نے مقاومتی معیشت، قومی سلامتی اور جنگی نقصانات کی بحالی کو ترجیحی بنیادوں پر آگے بڑھانے پر زور دیا۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts