پاکستان کے لیے 8 مئی کو آئی ایم ایف سے اگلی قسط منظور ہونے کا امکان

پاکستان کے لیے 8 مئی کو آئی ایم ایف سے قرض کی اگلی قسط منظور ہونے کا امکان

کل 8 مئی کو پاکستان کے لیے آئی ایم ایف سے قرض پروگرام کے تحت اگلی قسط منظور ہو سکتی ہے۔

ذرائع کے مطابق قرض کی منظوری کے لیے آئی ایم ایف ایگزیکٹو بورڈ کا کل اجلاس 8 مئی کو طلب کیا گیا ہے جس میں پاکستان کے لیے 1.2 ارب ڈالر سے زائد رقم کی منظوری متوقع ہے۔

پاکستان کو 7 ارب ڈالر کے ای ایف ایف اور 1.4 ارب ڈالر کے آر ایس ایف کے تحت قسط ملنے کا امکان ہے۔ پاکستان کے لیے 7 ارب ڈالر ایکسٹینڈ فنڈ فیسیلیٹی پروگرام کی تیسری جائزہ رپورٹ کامیاب ہو چکی ہے۔

پاکستان کے لیے 7 ارب ڈالر ایکسٹینڈ فنڈ فیسیلیٹی پروگرام کی 1 ارب ڈالر کی چوتھی قسط ملنے کا قوی امکان ہے جبکہ آر ایس ایف کے دوسرے جائزہ کے بعد 21 کروڑ ڈالر اضافی ملیں گے۔

پاکستان اور آئی ایم ایف کے درمیان 27 مارچ کو اسٹاف لیول معاہدہ طے پایا تھا۔

ایگزیکٹو بورڈ نے اگر پاکستان کے لیے 1.2 ارب ڈالر منظور کر لیے تو جلد موصول ہو جائیں گے۔ آئی ایم ایف 1.2 ارب ڈالر اسٹیٹ بینک کے اکاؤنٹ نمبر ون میں منتقل کرے گا۔