ایران نے امریکہ کے خلاف مزید جارحیت کی صورت میں سخت جواب دینے کا اعلان کر دیا
ایران نے کہا ہے کہ امریکہ نے جنگ بندی معاہدے کی خلاف ورزی کرتے ہوئے ایرانی آئل ٹینکر اور ساحلی علاقوں پر حملے کیے ہیں۔
خاتم الانبیا مرکزی کمانڈ سینٹر کے ترجمان نے بتایا کہ جارح امریکی فورسز نے جاسک کے قریب ایرانی آئل ٹینکر کو نشانہ بنایا جو آبنائے ہرمز کی طرف جا رہا تھا۔ اسی طرح فجیرہ کے قریب دوسرے جہاز کو بھی نشانہ بنایا گیا۔
امریکی فورسز نے علاقائی ممالک کے تعاون سے بندر خمیر، سیرک اور قشم جزیرہ کے ساحلی علاقوں پر بھی فضائی حملے کیے۔
یہ بھی پڑھیں : ٹرمپ کا دعویٰ: ایران کے ساتھ جنگ بندی اب بھی نافذ ہے
ایرانی مسلح افواج نے فوری جواب دیتے ہوئے آبنائے ہرمز کے مشرق اور چابہار کے جنوب میں امریکی جنگی جہازوں پر حملہ کر دیا اور انہیں بھاری نقصان پہنچایا۔
ترجمان نے واضح کیا کہ امریکہ اور اس کے حامی ممالک کو یہ بات سمجھ لینی چاہیے کہ اسلامی جمہوریہ ایران کسی بھی جارحیت کا بھرپور اور بلا تردید جواب دینے کی مکمل صلاحیت رکھتا ہے۔
ایرانی ذرائع کے مطابق امریکی جہاز ایرانی جوابی حملوں کے بعد آبنائے ہرمز سے بھاگ نکلے۔
About The Author
