اسرائیل نے ایران جنگ کے دوران متحدہ عرب امارات کو آئرن بیم لیزر سسٹم دیا

ایران جنگ کے دوران اسرائیل نے متحدہ عرب امارات کو جدید لیزر ڈیفنس سسٹم فراہم کیا: برطانوی اخبار کا دعویٰ

رپورٹ کے مطابق اسرائیل نے امارات کو آئرن بیم لیزر سسٹم اور اسپیکٹرو سسٹم فراہم کیا۔

اسرائیل نے ایران کے میزائل اور ڈرون حملوں سے دفاع کے لیے متحدہ عرب امارات کو جدید سسٹم فراہم کیے جن میں ایک جدید لیزر دفاعی نظام بھی شامل ہے۔

برطانوی اخبار کی رپورٹ کے مطابق اسرائیل نے اسپیکٹرو نامی سرویلنس سسٹم متحدہ عرب امارات کو فراہم کیا جو تقریباً 20 کلومیٹر کے فاصلے سے آنے والے ڈرونز، خصوصاً شاہد ڈرونز کی نشاندہی کرنے کی صلاحیت رکھتا ہے۔

اخبار کے مطابق اس کے علاوہ اسرائیل نے اپنے آئرن بیم لیزر دفاعی نظام کا ایک ورژن بھی فراہم کیا جو قلیل فاصلے تک مار کرنے والے راکٹس اور ڈرونز کو تباہ کرنے کی صلاحیت رکھتا ہے۔ یہ سسٹم اسرائیل نے رواں سال کے آغاز میں لبنان سے حزب اللہ کے حملوں کے خلاف استعمال کیا تھا۔

ان دونوں دفاعی نظاموں کے ساتھ اسرائیل نے اپنا آئرن ڈوم فضائی دفاعی نظام بھی یو اے ای بھیجا جبکہ ان سسٹمز کو چلانے کے لیے درجنوں اسرائیلی فوجی اہلکار بھی تعینات کیے گئے۔

اخبار نے ذرائع کا حوالہ دیتے ہوئے کہا کہ مزید ہتھیار اور اضافی اسرائیلی اہلکار بھی امارات میں تعینات کیے گئے۔

رپورٹ میں مزید کہا گیا کہ اسرائیل نے متحدہ عرب امارات کو مغربی ایران کے میزائل حملوں سے متعلق اہم خفیہ معلومات بھی فراہم کیں۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts