"AP رپورٹ: غزہ کی ’یلو لائن‘ پر اسرائیلی فوج کی ’شوٹ ٹو کل‘ پالیسی بے نقاب”

غاصب اسرائیلی فوجیوں نے غزہ میں مبینہ سیز فائر کے باوجود ’یلو لائن‘ کے قریب فلسطینی شہریوں کو براہ راست نشانہ بنانے کا اعتراف کیا ہے۔

ایسوسی ایٹڈ پریس (AP) کو دیے گئے بیانات میں اسرائیلی فوجیوں نے بتایا کہ یلو لائن عبور کرنے والے کسی بھی شخص پر فائرنگ کا حکم ہے اور متعدد واقعات میں فلسطینیوں کو ہلاک کرنے کے بعد فوجی خوشیاں مناتے اور ایک دوسرے کو مبارکباد دیتے ہیں۔

یہ بھی پڑھیں : کے ایم سی کی بڑی کارروائی، ہل پارک اراضی پر قبضے کی مبینہ کوشش کا پردہ فاش

ایک ریزرو فوجی نے بتایا کہ "سیز فائر کے بعد حکم یہ تھا کہ لائن عبور کرنے والے کو گولی مار دو”۔ فوجیوں نے یہ بھی کہا کہ "اسے سیز فائر کہنا ایک مذاق ہے”۔

اسرائیلی فوجیوں کے مطابق یلو لائن واضح نہیں ہوتی، بعض جگہوں پر پیلے بیرل لگے ہوتے ہیں جبکہ بعض مقامات پر کوئی نشان ہی نہیں ہوتا۔ اس کے باوجود فلسطینی شہریوں کو نشانہ بنایا جاتا ہے، جن میں بچے بھی شامل ہیں۔

سیز فائر کے بعد سے اب تک اسرائیل نے 900 سے زائد فلسطینیوں کو شہید کر دیا ہے۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts