حزب اللہ کے FPV ڈرون حملوں کے پیش نظر اسرائیلی فوج نے 1 لاکھ 58 ہزار مربع میٹر اینٹی ڈرون جالیوں کی خریداری شروع کر دی ہے۔
اسرائیلی میڈیا کے مطابق حزب اللہ نے حال ہی میں راس الناقورہ میں ایک درست ڈرون حملہ کیا جس میں 4 اسرائیلی فوجی زخمی ہوئے، ایک کی حالت تشویش ناک بتائی جا رہی ہے۔
اسرائیلی فوج کے ترجمان نے کہا کہ گراؤنڈ فورسز کی ٹیکنالوجی بریگیڈ کو اب تک 1 لاکھ 58 ہزار مربع میٹر جالی مل چکی ہے جبکہ مزید 1 لاکھ 88 ہزار مربع میٹر جالی خریدنے کا عمل جاری ہے۔
انہوں نے بتایا کہ اب تک خریدی گئی جالی تقریباً 20 فٹبال میدانوں کے برابر ہے۔
اسرائیلی میڈیا نے اعتراف کیا کہ حزب اللہ کے ڈرونز کو پہچاننا یا روکنا مشکل ہو گیا ہے۔ ایک ڈرون نے تمام دفاعی نظاموں کو بائی پاس کر کے نشانہ مارا۔
اسرائیلی چینل 13 نے کہا کہ حزب اللہ ڈرون حملوں کی حکمت عملی تبدیل کر چکا ہے اور اسرائیلی فوج کے پاس اس کا مؤثر جواب نہیں ہے۔
یہ بھی پڑھیں : اسرائیلی جارحیت: جنوبی اور مشرقی لبنان میں شدید حملے، مذاکرات کے دوران تشدد میں اضافہ
اسرائیلی فوج اب ڈرون حملوں سے بچاؤ کے لیے عارضی جالیوں کا سہارا لے رہی ہے، جو حزب اللہ کی بڑھتی ہوئی ڈرون صلاحیت کے سامنے ان کی بے بس صورتحال کو ظاہر کرتا ہے۔
About The Author
