لبنان میں اسرائیلی جارحیت جاری، شہداء کی تعداد 2869 ہو گئی

لبنان کی وزارت صحت نے اسرائیلی جارحیت کے نتیجے میں ہونے والے جانی نقصان کے تازہ اعداد و شمار جاری کر دیے ہیں۔

وزارت نے بتایا کہ 2 مارچ 2026 سے اب تک شہداء کی تعداد 2869 ہو گئی ہے جبکہ زخمیوں کی تعداد 8730 تک پہنچ چکی ہے۔

لبنانی وزارت صحت کے مطابق اسرائیلی فضائیہ اب بھی جنوبی لبنان کے وسیع علاقوں پر مسلسل بمباری کر رہی ہے۔

یہ بھی پڑھیں : اسرائیلی خلاف ورزیاں جاری، غزہ میں دو مزید شہید

رہائشی علاقوں اور طبی مراکز پر حملوں کی وجہ سے امدادی ٹیموں اور طبی عملے پر شدید دباؤ ہے۔

لبنانی وزیر اعظم نے کہا ہے کہ اسرائیلی جنگی جرائم کی دستاویزی فلم بندی اور ثبوت جمع کر کے اقوام متحدہ میں پیش کیا جائے گا۔

مارچ سے اب تک 1.6 ملین سے زائد افراد بے گھر ہو چکے ہیں جس سے انسانی بحران مزید سنگین ہو گیا ہے۔