غزہ میں انسانی امداد کی شدید کمی، سیز فائر معاہدے کی خلاف ورزی پر قابض اسرائیل تنقید کا نشانہ

غزہ کے سرکاری میڈیا آفس نے قابض اسرائیل کی طرف سے امدادی ٹرکوں کی آمد میں شدید کمی پر سخت خبردار کیا ہے۔

سرکاری میڈیا آفس کے ڈائریکٹر اسماعیل الثوابتہ نے بتایا کہ جنگ بندی کے معاہدے کے بعد اب تک 131,400 امدادی ٹرکوں کو غزہ داخل ہونا چاہیے تھا مگر قابض دشمن نے صرف 48,636 ٹرکوں کو اندر آنے دیا۔

اس طرح معاہدے پر عملدرآمد کی شرح صرف 37 فیصد رہ گئی ہے جبکہ 63 فیصد سے زائد امداد کو داخلے کی اجازت ہی نہیں دی گئی۔ یکم مئی سے 18 مئی 2026 تک کے عرصے میں 10,800 ٹرکوں کے بجائے صرف 2,719 ٹرک غزہ پہنچ سکے۔

اسماعیل الثوابتہ نے کہا کہ یہ کمی قابض اسرائیل کی جان بوجھ کر امداد روکنے اور فلسطینیوں پر سیاسی دباؤ بڑھانے کی مجرمانہ پالیسی کا نتیجہ ہے۔ یہ بین الاقوامی انسانی قوانین کی صریح خلاف ورزی ہے۔

یہ بھی پڑھیں : غزہ: صہیونی فوج کے ہاتھوں اغوا ماں بیٹی کی تلاش جاری، خاندان مایوسی اور درد میں مبتلا

انہوں نے عالمی برادری، ثالث ممالک اور معاہدے کے ضامن فریقوں سے مطالبہ کیا کہ وہ قابض اسرائیل کو معاہدے کی تمام شقوں پر فوری عملدرآمد کرنے پر مجبور کریں، تمام گزرگاہوں کو کھولیں اور غزہ کے مظلوم عوام پر مسلط بھوک اور محاصرے کا خاتمہ کریں۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts