غزہ پر اسرائیلی گولہ باری اور فائرنگ کا سلسلہ جاری

قابض اسرائیلی افواج نے منگل کی صبح غزہ کی پٹی کے مختلف علاقوں کو اپنی وحشیانہ توپ خانے کی گولہ باری اور فائرنگ کا نشانہ بنایا۔

ایک مقامی ذریعے کے مطابق اسرائیلی جنگی کشتیوں نے خان یونس کے ساحل پر گولے برسائے۔ غزہ شہر کے مشرقی علاقوں میں فوجی گاڑیوں سے شدید فائرنگ اور توپ خانے کی گولہ باری کی گئی۔

البریج پناہ گزین کیمپ کے شمال مشرقی علاقوں کو بھی توپ خانے سے نشانہ بنایا گیا۔

یہ بھی پڑھیں : مقبوضہ بیت المقدس میں مسجد اقصیٰ کے گرد اسرائیلی دباؤ اور محاصرہ مزید شدید

یہ حملے گذشتہ برس 10 اکتوبر 2025 کو نافذ ہونے والے سیز فائر معاہدے کی مسلسل خلاف ورزیوں کا حصہ ہیں۔

غزہ کی وزارت صحت کے مطابق جنگ بندی کے بعد سے اب تک 854 شہید اور 2453 زخمی ہو چکے ہیں جبکہ ملبے تلے سے 770 شہداء کے جسد خاکی برآمد کیے گئے ہیں۔