ایرانی وزیر خارجہ عباس عراقچی نے برکس رکن ممالک کے وزرائے خارجہ کے اجلاس میں خطاب کرتے ہوئے کہا کہ ایران سے متعلق کسی بھی مسئلے کا کوئی فوجی حل نہیں ہے اور ہم کبھی بھی کسی دباؤ یا دھمکی کے سامنے سر نہیں جھکائیں گے۔
انہوں نے کہا کہ امریکہ اور اسرائیل کی جانب سے ایران پر دو بار جارحیت کی گئی جو جھوٹے دعوؤں پر مبنی تھی۔
عراقچی نے زور دیا کہ ایرانی عوام نے بہادری سے اپنا دفاع کیا ہے اور ہماری آزادی، خودمختاری اور علاقائی سالمیت پر کوئی سمجھوتہ نہیں کیا جائے گا۔
انہوں نے کہا کہ ایران ایک قدیم سرزمین ہے جہاں رہنماؤں نے قومی وقار اور آزادی کے لیے جانوں کا نذرانہ پیش کیا۔ ہماری مسلح افواج، طبی عملہ اور عوام نے بہادری سے خدمات انجام دیں۔
یہ بھی پڑھیں : ایران جنگ نے سویڈن کو ایندھن پر ٹیکس کم کرنے پر مجبور کر دیا
عراقچی نے برکس ممالک سے کہا کہ یہ گروپ عالمی نظام کی تشکیل میں اہم کردار ادا کر سکتا ہے جو زیادہ منصفانہ اور متوازن ہو۔ ہم سب کو امریکہ اور اسرائیل کی جارحیت کے خلاف متحد ہو کر کام کرنا چاہیے۔
انہوں نے واضح کیا کہ جو قومیں اپنی عزت اور آزادی کے لیے کھڑی ہوتی ہیں وہ مشکلات برداشت کر سکتی ہیں لیکن کبھی شکست نہیں کھا سکتیں۔
About The Author
