پاکستان میں ایران کے سفیر رضا امیری مقدم نے جنگ کے دائمی اختتام پر مبنی ایران کے منصوبے کی جانب توجہ دلاتے ہوئے اس بات پر زور دیا کہ اگر امریکہ حقیقی طور پر مسائل کا حل چاہتا ہے تو اسے اپنا رویہ بدلنا ہوگا۔
انہوں نے ہمارے نامہ نگار کو انٹرویو دیتے ہوئے کہا کہ ایران اپنے عوام اور خودمختاری کے تحفظ کے لیے پرعزم اور واضح ہے اور جنگ بندی ہو یا مذاکرات ہوں، دشمنوں کو حالات کا ناجائز فائدہ اٹھانے کی اجازت نہیں دی جائے گی۔
رضا امیری مقدم نے کہا کہ اسلامی جمہوریہ ایران کی جانب سے سامنے لائے گئے مذاکراتی منصوبے کا ہدف امریکہ اور صیہونی حکومت کی جارحانہ جنگ کو ہمیشہ کے لیے ختم کرنا ہے۔
انہوں نے کہا کہ یہ منصوبہ ثالثی کرنے والے پاکستانی دوستوں کو فراہم کیا جا چکا ہے جسے وہ امریکہ کے سپرد کرچکے ہیں۔
آبنائے ہرمز کنٹرول: ایران اثر میزائل و جوہری پروگرام جتنا اہم
پاکستان میں ایران کے سفیر نے کہا کہ اقوام عالم بات چیت اور سفارتی راستے کے نتیجے کی منتظر ہیں اور اس عرصے میں بین الاقوامی برادری اور عالمی رائے عامہ نے ایران کے منطقی اور واضح نقطہ نظر کو بھی دیکھا ہے اور امریکہ کے غیرمستحکم اقدامات کا بھی جائزہ لیا ہے۔
رضا امیری مقدم نے تاکید کرتے ہوئے کہا کہ اسلامی جمہوریہ ایران اپنی قوم اور حاکمیت کے دفاع کے لیے پرعزم اور واضح ہے۔
انہوں نے دو ٹوک الفاظ میں کہا کہ اب سب کچھ امریکیوں سے جڑا ہے۔ اگر امریکہ مذاکرات میں دشواریوں کے خاتمے کا خواہش مند ہے تو اسے اپنا رویہ بدلنا ہوگا۔
About The Author
