ایرانی وزیر خارجہ عباس عراقچی نے کویت کی جانب سے ایرانی کشتی پر حملے اور چار ایرانی شہریوں کی غیر قانونی گرفتاری کی شدید مذمت کی ہے۔
انہوں نے اپنے سوشل میڈیا اکاؤنٹ پر لکھا کہ کویت کا یہ اقدام غیر قانونی ہے اور علاقے میں انتشار پھیلانے کی کوشش ہے۔
یہ بھی پڑھیں : حزب اللہ ایران کے مسلسل اور مخلصانہ تعاون کا شکرگزار ہے: شیخ نعیم قاسم
عباس عراقچی نے کہا کہ یہ حملہ خلیج فارس میں ایک جزیرے کے قریب ہوا جہاں امریکہ نے اپنے فوجی اڈے قائم کر رکھے ہیں اور ایران پر حملوں کے لیے استعمال کر رہا ہے۔
انہوں نے واضح کیا کہ کویت نے امریکہ اسرائیل کی جارحیت میں حصہ لے کر علاقائی امن کو خطرے میں ڈالا ہے۔
ایرانی وزیر خارجہ نے مطالبہ کیا کہ کویت فوری طور پر چار ایرانی شہریوں کو رہا کرے۔ انہوں نے کہا کہ ایران اس غیر قانونی اقدام کا جواب دینے کا حق محفوظ رکھتا ہے۔
عباس عراقچی نے خبردار کیا کہ اگر کویت امریکہ کی غلامی جاری رکھے گا تو اسے سنگین نتائج بھگتنے پڑ سکتے ہیں۔ ایران علاقائی ممالک سے مطالبہ کرتا ہے کہ وہ امریکہ اسرائیل کی سازشوں سے دور رہیں اور علاقائی استحکام کی حمایت کریں۔
About The Author
