دھمکیوں کا دور ختم، جارحیت کی بھاری قیمت چکانی پڑے گی: قالیباف

ایرانی پارلیمنٹ کے اسپیکر محمد باقر قالیباف نے کہا ہے کہ اب ایران کے خلاف دھمکیوں کا دور ختم ہو چکا ہے اور کسی بھی قسم کی جارحیت کی بھاری قیمت چکانی پڑے گی۔

امام خمینیؒ کی برسی کے موقع پر جاری کردہ پیغام میں قالیباف نے کہا کہ ایرانی قوم نے امریکہ اور صہیونی رژیم کے خلاف حالیہ معرکہ میں ثابت کر دیا ہے کہ ایران اب دھمکیوں سے نہیں گھبراتا۔

یہ بھی پڑھیں : غدیر خم: تاریخی، اعتقادی اور تمدنی اہمیت کا ایک عظیم واقعہ

قالیباف نے خرداد کے مہینے کی اہمیت پر روشنی ڈالتے ہوئے کہا کہ یہ مہینہ امام خمینیؒ کی تحریک اور ان کے وصال سے منسلک ہے۔ انہوں نے شہید رہبر انقلاب آیت اللہ سید علی خامنہ ای کی عدم موجودگی کو افسوس کا باعث قرار دیتے ہوئے کہا کہ ان کا پاکیزہ خون انقلاب کی مضبوطی اور مزاحمت کے پرچم کو آئندہ نسلوں تک پہنچانے کا ذریعہ بن گیا ہے۔

انہوں نے عید غدیر کی آمد پر امام خمینیؒ اور انقلاب کے شہداء کو خراج عقیدت پیش کیا اور اسلامی انقلاب کی قیادت کے ساتھ تجدید عہد کا اظہار کیا۔

قالیباف نے زور دیا کہ آج دنیا ایران کی دفاعی طاقت، سائنسی ترقی اور عوام کی بیداری کا مشاہدہ کر رہی ہے۔ اسلامی انقلاب ولایت فقیہ کے اصولوں پر کاربند رہتے ہوئے عزت، خودمختاری اور ترقی کے سفر کو جاری رکھے گا۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts