غزہ پٹی میں اسرائیلی فوج نے جنگ بندی کی خلاف ورزی کرتے ہوئے دو وحشیانہ فضائی حملے کیے جن میں ایک خاتون سمیت 7 فلسطینی شہید ہو گئے جبکہ 50 سے زائد زخمی ہوئے۔
مقامی ذرائع کے مطابق قابض اسرائیلی جنگی طیاروں نے غزہ شہر میں المعتز رہائشی عمارت کے ایک اپارٹمنٹ پر دو میزائل داغے۔ نتیجے میں عمارت کی ایک منزل مکمل طور پر تباہ ہو گئی اور آگ بھڑک اٹھی۔
اسی دوران ایک مسافر گاڑی کو بھی میزائل سے نشانہ بنایا گیا جس میں تین فلسطینی شہید ہو گئے۔
طبی ذرائع نے بتایا کہ السرايا فیلڈ ہسپتال میں 13 شدید زخمیوں کو منتقل کیا گیا ہے۔ شہری دفاع کی ٹیمیں ملبے تلے دبے افراد کو نکالنے میں مصروف ہیں۔
صیہونی وزیراعظم نیتن یاہو اور وزیر جنگ نے اس حملے کو ایک مزاحمتی رہنما کی ٹارگٹ کلنگ قرار دیا ہے۔
فلسطینی وزارت صحت کے مطابق 11 اکتوبر 2025 کی جنگ بندی کے بعد اب تک 859 فلسطینی شہید اور 2486 زخمی ہو چکے ہیں۔ 7 اکتوبر 2023 سے اب تک غزہ میں شہیدوں کی تعداد 72,745 اور زخمیوں کی تعداد 172,588 ہو چکی ہے۔
یہ بھی پڑھیں : چائنا ڈیلی: درجنوں جہاز ایران کے پروٹوکولز کے تحت آبنائے ہرمز عبور کر چکے
اسرائیلی فوج جنگ بندی کے معاہدے کی مسلسل خلاف ورزی کر رہی ہے اور غزہ میں پابندیاں جاری رکھے ہوئے ہے۔
About The Author
