واشنگٹن اور تہران عارضی جنگ بندی معاہدے کے قریب: رائٹرز
امریکہ اور ایران کے درمیان جاری جنگ روکنے کے لیے محدود اور عارضی انتظام قریب آتا جا رہا ہے۔ رائٹرز نے ذرائع کے حوالے سے بتایا ہے کہ یہ مختصر یادداشت پر مبنی ہوگا جس میں دونوں فریقوں کے درمیان اہم اختلافات کو حل کیے بغیر صرف لڑائی روکنے کی کوشش کی جائے گی۔
رپورٹ کے مطابق یہ کوئی مکمل امن معاہدہ نہیں بلکہ عارضی نوعیت کا معاہدہ ہوگا۔
تاہم ایران جنگ کے مکمل خاتمے اور علاقائی سطح پر مستقل حل کا مطالبہ کر رہا ہے۔
ایرانی پارلیمنٹ کی قومی سلامتی اور خارجہ پالیسی کمیٹی کے ترجمان ابراہیم رضائی نے کہا کہ ایکسوس کی رپورٹ محض "امریکی خواہشات کی فہرست” ہے۔ انہوں نے زور دیا کہ واشنگٹن جنگ کے ذریعے وہ چیزیں حاصل نہیں کر سکے گا جو مذاکرات کی میز پر حاصل نہیں کر سکا۔
انہوں نے مزید کہا کہ ایران مکمل طور پر چوکس ہے اور اگر امریکہ پیچھے نہ ہٹا یا ضروری رعایتیں نہ دیں تو تہران کی طرف سے سخت جواب دیا جائے گا جس پر انہیں شدید پچھتاوا ہوگا۔
امریکی صدر ڈونلڈ ٹرمپ نے دعویٰ کیا تھا کہ جنگ قریب الاختتام ہے اور ایران شرائط قبول کر لے تو اسے حل کیا جا سکتا ہے۔
یہ بھی پڑھیں : اسپین نے اسرائیلی سفارت کار کو طلب کر لیا، سیف ابو کشک کی گرفتاری پر احتجاج
ایک معتبر ذرائع نے تسنیم کو بتایا کہ ایران نے ابھی تک امریکہ کی تازہ ترین تجویز کا کوئی سرکاری جواب نہیں دیا ہے، اگرچہ امریکی میڈیا میں حتمی معاہدے کے قریب ہونے کی خبریں آ رہی ہیں۔
About The Author
