وائٹ ہاؤس عشائیے میں ٹرمپ پر حملے کا ممکنہ مقصد ایران سے امریکی جنگ پر احتجاج تھا، ہوم لینڈ سکیورٹی
وائٹ ہاؤس ڈنر میں امریکی صدر ڈونلڈ ٹرمپ پر حملے کا ممکنہ مقصد ایران سے امریکی اور اسرائیلی جنگ پر احتجاج تھا۔
ہوم لینڈ سکیورٹی نے اپنی جائزہ رپورٹ حکام کے حوالے کر دی۔ انٹیلی جنس اینڈ اینالیسز ونگ کی رپورٹ کے مطابق ملزم کول ایلن کا مزاج سیاسی و سماجی معاملات پر شکایتوں والا تھا لیکن ایران امریکہ جنگ نے وائٹ ہاؤس ڈنر حملے میں اہم کردار ادا کیا۔
رپورٹ کے مطابق ملزم کی سوشل میڈیا پوسٹس کے جائزے میں پتہ چلا کہ وہ جنگ چھیڑنے کے امریکی اقدام پر تنقید کرتا تھا۔
استغاثے نے عدالت کے سامنے موقف اختیار کیا کہ ملزم ایلن صدر ٹرمپ سے سیاسی مخالفت رکھتا تھا اور حکومتی پالیسیوں کے ان فیصلوں کے خلاف جدوجہد کے عزائم رکھتا تھا جنہیں وہ غلط سمجھتا تھا۔
یاد رہے کہ گزشتہ ماہ واشنگٹن میں امریکی صدر ڈونلڈ ٹرمپ کی موجودگی میں وائٹ ہاؤس کے میڈیا نمائندوں کے اعزاز میں عشائیے کے دوران فائرنگ کا واقعہ پیش آیا تھا جس میں صدر ٹرمپ محفوظ رہے جبکہ حملہ آور پکڑا گیا تھا۔
بعد ازاں ملزم پر امریکی صدر ڈونلڈ ٹرمپ کو قتل کرنے کی کوشش کا الزام عائد کیا گیا۔
About The Author
