یمنی عازمین حج کا پہلا قافلہ ارض مقدس پہنچ گیا

یمنی عازمین حج کا پہلا قافلہ ارض مقدس پہنچ گیا

مکہ مکرمہ: سعودی عرب میں حج سیزن 2026 کا آغاز ہوتے ہی دنیا بھر سے عازمین کی آمد کا سلسلہ جاری ہے۔ گزشتہ روز یمنی عازمین حج کے پہلے قافلے کا استقبال وادی الدواسر کمشنری کے مرکز پر کیا گیا۔

سعودی خبر رساں ادارے کی رپورٹ کے مطابق ریاض ریجن کی میونسپلٹی کی زیر نگرانی وادی الدواسر کمشنری میں قائم کیے گئے حاجی کیمپ میں زمینی راستے سے آنے والے یمنی عازمین حج کے استقبال اور امیگریشن سروسز کے لیے خصوصی انتظامات کیے گئے۔

رپورٹس کے مطابق عازمین کے آرام اور ان کی دیگر ضروریات کی دیکھ بھال کے لیے موجود کیمپوں میں 24 گھنٹے کی بنیاد پر مختلف خدمات انجام دی جاتی ہیں۔

یہ بھی پڑھیں : حج 2026: شہری دفاع نے مختلف مقامات پر 27 مراکز قائم کر دیے

واضح رہے کہ یمن، شام اور عراق سے زمینی راستے سے بھی بڑی تعداد میں عازمین حج فریضے کی ادائیگی کے لیے ارض مقدس آتے ہیں۔ ان علاقوں میں سرکاری اداروں کی جانب سے عازمین کے استقبال اور ان کی دیکھ بھال کے لیے خصوصی انتظامات کیے جاتے ہیں۔

About The Author

Mudasar Hussain

مدثر حسین ایک کانٹینٹ رائٹر، میڈیا کنٹریبیوٹر اور TheVoiceOfUmmah.com کے نیوز ریسرچر اور پبلشر ہیں۔ وہ حالاتِ حاضرہ اور مسلم دنیا سے متعلق عالمی امور پر گہری نظر رکھتے ہیں، خبروں کی تحقیق کرتے ہیں اور ویب سائٹ پر بروقت خبریں، تجزیے اور مضامین شائع کرتے ہیں۔ ان کا کام مستند، بروقت اور ذمہ دارانہ صحافت کے اصولوں کے مطابق معلومات فراہم کرنا ہے۔

See author's posts