غزہ – الشاطی کیمپ میں جنگ کی تباہ کاریوں سے مسمار شدہ عمارتوں کے ملبے پر فلسطینی فنکاروں نے بارسلونا کے نوجوان ستارے لامین یامال کا بڑا جداریہ بنایا ہے۔
یہ خاکہ لامین یامال کی اس ویڈیو کے وائرل ہونے کے بعد بنایا گیا جس میں وہ بارسلونا کی ٹائٹل جیتنے کی تقریبات کے دوران فلسطینی پرچم لہرا رہے تھے۔
فلسطینی فنکاروں نے دانستہ طور پر تباہ شدہ عمارتوں کے ملبے کا انتخاب کیا اور لامین یامال کے نقوش کو فلسطینی پرچم کے رنگوں میں سمو دیا۔
غزہ کے باسیوں کا کہنا ہے کہ لامین یامال کا یہ اقدام جاری جنگ اور انسانی تکالیف کے درمیان فلسطینیوں کے ساتھ یکجہتی کا ایک طاقتور اخلاقی پیغام ہے۔
یہ جداریہ نہ صرف اسرائیلی جارحیت کی تباہ کاریوں کو نمایاں کرتی ہے بلکہ عالمی کھیلوں کے میدان سے آنے والے یکجہتی کے پیغامات کی بھی عکاسی کرتی ہے۔
یہ بھی پڑھیں : یونیسیف کا انتباہ: لبنان میں 7 لاکھ 70 ہزار بچے ذہنی دباؤ کا شکار
لامین یامال عرب دنیا میں فنی صلاحیتوں کے ساتھ ساتھ فلسطینی کاز کی جرات مندانہ حمایت کی وجہ سے بھی بے پناہ مقبول ہو رہے ہیں۔
About The Author
